1.Христос рождается,славите,Христос с небес,срящите.Христос на земли,возноститеся.Пойте Господеви,вся земля,и веселием воспойте,людие,яко прославися.
3.Прежде век от Отца рожденному нетленно Сыну,и в последняя от Девы воплощенному безсеменно Христу Богу возопиим:вознесый рог наш,свят еси,Господи.
4.Жезл из корене Иессеова и цвет от него,Христе,от Девы прозябл еси,из хвальный приосененныя чащи пришел еси,воплощься от Неискусомужныя,Невещественный и Боже,слава силе Твоей,Господи.
5.Бог сый мира,Отец щедрот,Великаго Совета Твоего Ангела,мир подавающа,послал еси нам.Тем Богоразумения к свету наставльшеся,от ноши,утренююще,славословим Тя,Человеколюбче.
6.Из утробы Иону младенца изблева морский зверь,якова прият:в Деву же всельшееся Слово и плоть приемшее пройде сохраншее нетленну.Егоже бо не пострада истления,Рождшую сохрани неврежденну.
7.Отроцы благочестию совоспитани,злочестивого веления небрегше,огненнаго прещения не убояшася,но посреди пламене стояще пояху:отцев Боже,благославен еси.
8.Чуда преестественнаго росодательная изобрази пещь образ:не бо яже прият палит юныя,яко ниже огнь Божества Девы,в Нюже вниде утробу.Тем воспевающе воспоём:да благославит тварь вся Господа и превозносит во вся веки.
9.Таинство странное вижду и преславное:небо - вертеп,престол херувимский - Деву,ясли - вместилище,в нихже возлеже невместимый Христос Бог, Егоже воспевающе величаем.
