Ст:Да воскреснет Бог,и расточатся врази Его.
Пасха священная нам днесь показася;Пасха нова,святая;Пасха таинственная;Пасха всечестная;Пасха Христос Избавитель;Пасха непорочная;Пасха великая;Пасха верных;Пасха двери райския нам отверзающая;Пасха всех освящающая верных.
Ст:Яко исчезает дым,да исчезнут.
Приидите от видения,жены благовестницы,и Сиону рцыте:приими от нас радости благовещения воскресения Христова:красуйся,ликуй и радуйся,Иерусалиме,Царя Христа узрев из гроба,яко Жениха происходяща.
Ст:Тако да погибнут грешницы от Лица Божия,а праведницы да возвеселятся.
Мироносицы жены,утру глубоку,представша гробу Жизнодавца,обретоша Ангела на камени сидяща,и той провещав им,сице глаголаше:что ищете Живаго с мертвыми?что плачете Нетленнаго во тли?шедше проповедите учеником Его.
Ст:Сей день,егоже сотвори Господь,возрадуемся и возвеселимся в онь.
Пасха красная,Пасха,Господня Пасха!Пасха всечестная нам возсия!Пасха!радостию друг друга обымем!О Пасха!избавление скорби:ибо из гроба днесь яко от чертога возсияв Христос,жены радости исполни,глаголя:проповедите Апостолом.
Слава Отцу и Сыну и Святому Духу,и ныне и присно и во веки веков.Аминь.
Воскресения день,и просветимся торжеством,и друг друга обымем.Рцем:братие!и ненавидящим нас;простим вся воскресением и тако возопиим:Христос воскресе из мертвых,смертию смерть поправ и сущим во гробех живот даровав.
2013
2015.04.12
